Пайдаланушы нұсқаулығы

Онлайн сынақ тестілеу Қазақстан Республикасының құқық қорғау қызметіне түсу құқығына тестілеуден өтуге арналған.

1. Үміткерді тіркеу

   Тіркелу үшін оң жақ жоғарғы бұрыштағы «Кіру» түймесін басыңыз, содан кейін авторизация бетінде «Тіркеу» сілтемесі бойынша өтіп, сұралатын деректерді толтырыңыз.

   

2. Авторизация

   Авторизация үшін «Кіру» түймесін басып, тіркелу кезінде көрсетілген электрондық пошта мекенжайы мен парольді енгізіңіз.

   

3. Тестті таңдау

   Басты бетте «Тестілеу бағыттары» бөлімінде «Құқық қорғау қызметіне түсу үшін» түймесін немесе картасын басыңыз.

   

4. Тестке ақы төлеу

   Тест бетінде үш бағдарлама («Бағдарлама-1», «Бағдарлама-2», «Бағдарлама-3»), сондай-ақ осы нұсқаулыққа өту үшін «Нұсқаулық» түймесі көрсетіледі. Тапсырыс беру үшін «Сатып алу» түймесін басыңыз. Төлем беті ашылады — «Kaspi QR арқылы төлеу» түймесін басып, пайда болған QR-кодты Kaspi.kz қосымшасында камерамен сканерлеңіз (Бірыңғай QR-ды қолдайтын кез келген банк қосымшасы да жарайды). Сайт телефонда ашылған болса, «Kaspi.kz қосымшасында ашу» түймесін басыңыз. QR-код бірнеше минут әрекет етеді — уақыты өтіп кетсе, жаңасын жасаңыз. Төлемнен кейін бет төлемнің сәтті өткенін өзі хабарлайды және тестілеуге қолжетімділік автоматты түрде ашылады.

   

   

5. Тестілеуге қолжетімділік

   Ақы төленген тест жеке кабинеттегі «Тестті таңдау» қойындысында, «Қол жетімді тесттер» блогында қолжетімді болады. «Б» корпусынан айырмашылығы — мұнда үш бағдарламаның бірін таңдау керек: атауын басып, заңдар тізімін ашыңыз да, «Таңдау «Бағдарлама-N»»» түймесін басыңыз. Ашылған бетте заңдар тізімін тексеріп, «Тестті бастау» түймесін басыңыз.

   

   

   

6. Тестілеуден өту

   Сұрақтар бір-бірден көрсетіледі. Жауапты таңдау үшін жауап нұсқасының кез келген жеріне басыңыз. «Артқа» және «Келесі» түймелері сұрақтар арасында өтуге мүмкіндік береді, беттің жоғарғы жағындағы таймер қалған уақытты көрсетеді. Бетті жапсаңыз да, тест уақыты жүре береді: қайта оралу үшін «Тестті таңдау» қойындысын ашып, «Тестілеуді жалғастыру» түймесін басыңыз — сонда тесттің қай уақытқа дейін созылатыны да көрсетілген. Уақыт біткенде тест автоматты түрде аяқталады, ал жауап берілмеген сұрақтар қате деп есептеледі. Әртүрлі тесттерді қатар тапсыруға болады — әрқайсысының өз таймері бар.

   

7. Тестілеу нәтижелері

   «Құқық қорғау қызметіне түсу үшін» бағдарламалары бойынша нәтижелер «Тесттің нәтижелері» қойындысында, «Б» корпусы мен ОЛК-тан бөлек көрсетіледі.

   

8. Тестілеу сертификаты

   Толық нәтижелерді көру үшін тізімдегі тапсырылған бағдарламаны басыңыз — әр заң бойынша нәтижелер және сертификатты PDF форматында жүктеп алуға арналған «Сертификатты жүктеу» түймесі бар бет ашылады. Сертификатта «СЫНАҚ ТЕСТІЛЕУ» су таңбасы бар.