2026 жылғы 24 тамыздан бастап прокуратура органдарына және Қаржылық мониторинг агенттігінің Экономикалық тергеу қызметіне қызметке түсетін адамдарды іріктеу мен кәсіптік даярлаудың жаңартылған қағидалары қолданылады. Бас прокурор мен ҚМА Төрағасының бірлескен бұйрығына 2026 жылғы 7 тамызда қол қойылды.
Қағидалар Конституция мен Цифрлық кодекске сәйкестендірілді.
Іріктеу тоғыз кезектес кезеңнен тұрады: хабарландыру жариялау, құжаттарды қабылдау және тексеру, кейс шешу, эссе жазу, психоәлеуметтанулық бағалау, медициналық және психофизиологиялық куәландыру, полиграфологиялық зерттеу, цифрлық платформа арқылы онлайн әңгімелесу және қорытынды шешімді ресімдеу.
Киберқауіпсіздік, киберқылмысқа қарсы іс-қимыл және деректерді талдау салаларындағы кандидаттар үшін жеке өлшемшарттар көзделген: әңгімелесуде үш минуттық өзін-өзі таныстырудан бөлек, оларға өз жобасын таныстыру үшін қосымша бес минут беріледі.
Құжаттар өтінімдерді қабылдау аяқталғаннан кейін он жұмыс күні ішінде қаралады.
Құқық қорғау қызметіне түсушілерге арналған заңнаманы білуге сынақ тестілеуден testgos.kz сайтында өтуге болады.
Дереккөз: zakon.kz